TANZANIA YATAKA MAGEUZI UMOJA WA MATAIFA (UN).

Tanzania imependekeza Umoja wa Mataifa kufanyiwa mageuzi makubwa ya kiutendaji yatakayoliwezesha bara la Afrika kuwa na Viti viwili vya kudumu vyenye kura ya turufu na viti viwili vya Mzunguko kwenye baraza la usalama la umoja wa Mataifa.

Pendekezo hilo la Tanzania limekuja wakati ambapo Umoja wa Mataifa Siku ya Oktoba 24 inaanza maadhimisho ya miaka 71 tangu kuasisiwa kwa chombo hicho kilichopewa jukumu la kulinda na kuleta amani duniani.

Akizungumza na waandishi wa habari kuhusiana na maadhimisho ya Siku ya umoja wa Mataifa, Waziri wa Mambo ya Nje wa Tanzania Balozi Augstine Mahiga, amesema ni miaka kumi sasa Afrika imekuwa ikipigania kuwa na uwakilishi wa kudumu kwenye umoja huo wenye wanachama 193 na sasa imefika wakati ambapo bara hili nalo liwe na nguvu ya kura ya turufu.