Watu wanne wamefariki dunia mkoani Mbeya na wengine 22 kujeruhiwa vibaya baada ya gari walilokuwa wakisafiria aina ya Costa, kuacha njia na kupinduka katika eneo la Majimazuri barabara kuu ya kutoka Jijini Mbeya kuelekea Wilaya ya Chunya .
Dhahiri Athumani Kidavashari ni Kamanda wa Polisi Mkoa wa Mbeya na Naibu Kamishna wa Polisi anasema ajali hii imetokea Octoba 18 majira ya usiku, huko katika kijiji cha maji mazuri wilaya ya Mbeya Vijijini , barabara kuu ya kuelekea Chunya, ambapo gari lenye namba za usajiri T 841 BRW aina ya Isuzu basi, lilokuwa likitokea Jijini Mbeya kuelekea katika kijiji cha Igundu Chunya likiendeshwa na dereva Elia Isack (37) mkazi wa Chunya, liliacha njia na kupinduka.baada ya breki kufeli huku chanzo kikielezwa kuwa ni mwendokasi.
Channel Ten imefika eneo la tukio na kuzungumza na baadhi ya mashuhuda ambao wanadai waliona gari hilo likiongeza mwendo na baadaye kuanguka,lakini pia Mkuu wa Wilaya ya Mbeya Willium Paul Ntinika akitoa tahadhari kwa maderevakuwa makini na barabara hiyo ambayo inakona kali na mitelemko.
Baaadhi ya majeruhi wa ajali hii ambao wamelazwa katika Hospitali ya Kanda ya Rufaa Mbeya kwaajili ya matibabu wanasema dereva aliwaambia kuwa gari limemshinda, lakini wakidai kuwa lilibeba mizigo kupita kiasi.
Thomas Isdori ni Muuguzi Mkuu katika Hospitali ya Rufaa ya kanda Mbeya anasema baadhi ya majeruhi wamejeruhiwa vibaya kichwani na wanahitaji msaada wa damu, lakini pia akidai hospitali hii ina upungufu wa damu hivyo wakazi wa jiji la Mbeya na maeneo jirani wameombwa kujitokeza na kuchangia damu .
SOURCE : CHANNEL 10.
No comments:
Post a Comment